ក្តៅ​ៗ!​ ទីបំផុតជន​បង្កហេតុ​ បានសងសំណងជំងឺ​ចិត្ត​ទៅ​តារាចម្រៀង​ ទេព​ បូព្រឹក្ស​ នៃចំនួនទឹកប្រាក់…(មានវីដេអូ​)

ករណី​ដ៏​កក្រើក​ និង​ភ្ញាក់ផ្អើល​ជាខ្លាំង​ពាក់ព័ន្ធ​នឹងរឿង​កញ្ញា​ ទេព​ បូព្រឹក្ស​ ត្រូវ​បានបុរស​ជនសង្ស័យ​ម្នាក់បាន​យក​កំប៉ុង​ស្រាបៀ​ គប់​ទៅ​លេី​តារាចម្រៀង​ ទេព​ បូព្រឹក្ស​ ខណៈពេលដែលនាង​កំពុង​តែ​ច្រៀង​នៅលេីឆាក​ ពេលនេះ​បា​ន​លេចចេញ​ជាលទ្ធផល​ហេីយ​ ក្រោយ​ពី​តារាចម្រៀង​រូប​នេះ​បាន​ដាក់​ពាក្យ​បណ្ដឹង​ កាលពី​កន្លង​ទៅនោះ។

ដោយឡែក​នៅថ្ងៃនេះដែរ​ តារាចម្រៀង​ ទេព​ បូព្រឹក្ស​ រួមជាមួយនឹង​ជនសង្ស័យ​ដែលបានបង្កហេតុខាងលេីនេះ​ គឺបានចេញ​មុខ​រួមគ្នាដេីម្បី​ធ្វេី​ជា​សន្និសិទ​សារព័ត៌មាន​ក្នុង​ការ​ដោះស្រាយ​ចំពោះជម្លោះ​ដែលបានកេីតឡេីង​កាលពី​កន្លង​ទៅ​ផង​ដែរ​ ដោយមានការ​ចូលរួម​ជា​ច្រើន​ពី​សំណាក់​អ្នក​សារព័ត៌មាន​ និង​អ្នក​សិល្បៈ​ជាច្រើន​រូប​ផងដែរ។

ជុំវិញ​រឿង​ខាងលើ​នេះ​ដែរ​ ជនសង្ស័យ​ដែលបាន​បង្កហេតុ​នេះ​ បាន​ចេញមុខ​សុំទោស​ជាសាធារណៈ​ចំពោះ​តារាចម្រៀង​ ទេព​ បូព្រឹក្ស​ រួចរាល់ហើយ​ ចំណែកឯ​មូលហេតុ​ដែលបានបង្កឡេីងក្នុងហេតុការណ៏កាលពីកន្លងទៅនោះ​​ គឺជនសង្ស័យរូបនេះបានលេីកយកការស្រវឹងរបស់ខ្លួន​ មកធ្វេីការ​អះអាង​ចំពោះ​មុខ​សន្និសិទ​កាសែត​នេះ​។

ជាមួយ​គ្នានេះដែរ​ ក្រោយ​ពី​មានការ​សម្របសម្រួល​គ្នា​រួចមក​ ពេលនេះ​ជនសង្ស័យ​ក៏បាន​សង​ថ្លៃ​ជំងឺ​ចិត្ត​ទៅ​កាន់​តារាចម្រៀង​ ទេព​ បូព្រឹក្ស​ ចំនួន​ ១មុឺនដុល្លា​ ហេីយ​ភាគី​ខាង​តារាចម្រៀង​ ទេព​ បូព្រឹក្ស​ ក៏​យល់ព្រម​ទទួលយកសំណងនេះ​ និងព្រម​បញ្ចប់រឿងនេះជា​សាធារណៈ​ផងដែរ​។

ក្នុង​នោះដែរ​ បេីតាមការលេីកឡេីង​ពីកញ្ញា​ ទេព​ បូព្រឹក្ស​ ក្រោយ​ពី​ទទួល​បាន​នូវសំណង​ថ្លៃ​ជំងឺ​ចំនួន​ ១មុឺនដុល្លា​ គឺកញ្ញា​នឹងយកលុយចំនួន​ ៣ពាន់ដុល្លារ​ សំរាប់​ឧបត្ថម្ភ​ទៅដល់​មន្ទីរពេទ្យ​គន្ធបុប្ផា​ និង​សល់មួយចំនួនទៀត​ គឺនឹងយកទៅជួយទៅដល់​ចាស់ៗជរា​ នៅតាម​អង្គការ​ និង​នៅតាម​បណ្តាលខេត្តនានា។

គួររំលឹកផងដែរថា​ ចំពោះ​ហេតុការណ៍​ដ៏​ភ្ញាក់ផ្អើល​មួយ​នេះ​ គឺបាន​កេីតឡេីង​កាលពី​ថ្ងៃទី​២៥​ ខែធ្នូ​ ឆ្នាំ​២០១៨​ នៅ​វេលា​ម៉ោង​ប្រមាណ​ជា​ ១០យប់​ ដែលស្ថិតនៅហាងមានយីហោ​ឈ្មោះ​ សមុទ្រ​ នៅ​ក្បែរ​មន្ទីរពេទ្យ​កុមារ​ជាតិ​ ស្ថិត​ក្នុង​សង្កាត់​ទឹក​ល្អក់​ទី​១​ ខណ្ឌ​ទួល​គោក​ រាជធានី​ភ្នំពេញ​។ ចង់​ជ្រាប​ឲ្យ​កាន់តែ​ច្បាស់​ សូម​ប្រិយមិត្ត​ទស្សនា​វីដេអូ​ដូចតទៅ​។

សូមទស្សនាវីដេអូខាងក្រោម

For More Videos Amazing