ហួសចិត្ដនឹងអាពាហ៏ពិពាហ៏!!! អ្នកជំនាញថតរូប សុខចិត្ដចំណាយពេលវេលាព្រមទាំងលុយ ដើម្បីមកថតរូបអោយប្ដីប្រពន្ធមួយគូរនេះ ព្រោះតែ…(មានរូបភាព)

មនុស្សប្រុសស្រីលើលោកនេះសុទ្ធតែប្រាថ្នាចង់បានរស់នៅជាមួយមនុស្សដែលខ្លួនឯងស្រលាញ់ ហើយចេះថ្នាក់ថ្នម យល់ចិត្ដ រួចមើលថែគ្នាទៅវិញទៅមកអស់មួយជីវិតដែរ។ លើសពីនេះទៅទៀត ពួកគេចង់កាន់ដៃគ្នា រួចឆ្លងកាត់ការ រៀបការតាមប្រពៃណី នឹងពេញច្បាប់ដោយរៀបចាំកម្មវិធីមង្គលការសមរម្យផងដែរ។

អ្នកណាក៏ចង់បានថ្ងៃពិសេសរបស់យើងគឺ តែងខ្លួនអោយស្រស់ស្អាត ព្រោះថាមួយជាតិការតែម្ដងនោះទេ ដូចពាក្យស្លោកខ្មែរមួយនិយាយថា (មួយជាតិការម្ដង កុំអោយរំលងអប្សរឌីយ៉ាម៉ុង)។ សង្សារមួយគូរ ស្រលាញ់គ្នារាប់ឆ្នាំ ដោយមានភាពផ្អែមល្ហែមជាខ្លាំង ហើយចាស់ទុំក៏ដឹងលឺផងដែរ រួចក៏ចាប់ដៃគ្នាដេញវេលាចូលរោងការ។

សង្សារមួយគូរនោះជា ជនជាតិថៃ មុនពេលដល់ថ្ងៃរៀបអាពាហ៏ពិពាហ៏ ក៏បានពិភាក្សាគ្នា ដើម្បីស្វែងរកសំអាងការណាដែលតែងខ្លួន ក៏ដូចជាមានសម្លៀកបំពាក់ល្អដល់ពួកគេ។ ដើម្បីធ្វើអោយកម្មវិធីរបស់ពួកគេមានភាពស្រស់ស្អាត ព្រមទាំងមានភាពទាក់ទាញដល់ ភ្នែកភ្ញៀវកិត្ដយសដែលមកចូលរួមកម្មវិធី។

បន្ទាប់ពីពិភាក្សាគ្នាទាំងសងខាងរួចមក ក៏បានសម្រេចចិត្ដជ្រើសរើសយក សំអាងការមួយដែលមានទីតាំងក្បែរផ្ទះរបស់ពួកគេតែម្ដង ព្រោះគិតថា ជាកន្លែងបើកថ្មី រួចទាំងក្បែរផ្ទះទៀតផង ងាយស្រួលក្នុងការទំនាក់ទំនងគ្នា។ មិនចាំយូរពួកគេក៏បានទៅជួបម្ចាស់សំអាងការ រួចធ្វើការកក់ ដោយសង្ឃឹមក្នុងចិត្ដថា ថ្ងៃរៀបការរបស់គេ នឹងតុបតែងអោយស្រស់ស្អាត ព្រោះវាជាថ្ងៃពិសេសដែលពួកគេទង្ទឹមរងចាំជាយូរមកហើយ។

ថ្ងៃមង្គលការរបស់ពួកគេទាំងពីរក៏ ឈានចូលមកដល់ ភ្ញៀវកត្ដិយសក៏ចូលមកជាបណ្ដើរៗ ពិធីក៏ចាប់ផ្ដើមដំណើរការ ប៉ុន្ដែអ្វីដែលធ្វើអោយ កូនកំលោះកូនក្រមុំ អាក់អន់ស្រពន់ចិត្ដនោះគឺ ការតុបតែងខ្លួនពិតជាអន់ខ្លាំងណាស់។ ក្រោយពីចប់កម្មវិធី កូនក្រមុំដែលមានឈ្មោះថា Darika Klinkuhlab ក៏បានបង្ហោះរូបភាពអាពាហ៏ពិពាហ៏របស់ខ្លួន ក្នុងបណ្ដាញសង្គម ហ្វេសបុក ក្នុងន័យចែករំលែក ដល់គូរស្នេហ៏ដែលមានគម្រោងរៀបមង្គលការ អោយប្រុងប្រយ័ត្នក្នុងការរើស សំអាងការកុំអោយខុសដូចរូបនាង។

រូបថតដែលកូនក្រមុំបានបង្ហោះនោះ ក៏ចាប់ផ្ដើមមានអ្នក Share Like នឹង Comemnt ជាច្រើន ព្រោះថាហួសចិត្ដជំនួសកូនក្រមុំ នឹងកូនកំលោះជាខ្លាំង។ រូបថតដែលបានបង្ហោះនោះក៏ប្រទះដល់ អ្នកជំនាញថតរូបម្នាក់ ដែលគាត់មានឈ្មោះថា Park Eun Young រស់នៅទីក្រុង បាងកក។ លោក Park Eun Young ក៏មានការហួសចិត្ដជាខ្លាំងក៏បានសម្រេចចិត្ដ ទាក់ទងទៅកាន់ Darika Klinkuhlab ដើម្បីធ្វើការថតរូបអាពាហ៏ពិពាហ៏សារជាថ្មី ដោយពុំយកថ្លៃឈ្នួលនោះទេ។

នាង Darika Klinkuhlab ក៏បានបដិសេធ ចំពោះសំណើររបស់លោក Park Eun Young ផងដែរ ដោយនាងបានប្រើហេតុផលមួយថា គឺនៅឆ្ងាយពីគ្នាខ្លាំងណាស់ ដោយមិនចង់អោយពិបាក។ តែទោះជាយ៉ាងណាក៏លោក Park នៅតែទទូចចង់ថតជូន ប្ដីប្រពន្ធមួយគូរនេះ រហូតដល់ពួកគេយល់ព្រម។ បន្ទាប់ពីថតរូបអាពាហ៏ពិពាហ៏រួចមក ពួកគេទាំងពីរពិតជាសប្បាយចិត្ដខ្លាំង ដល់ថ្នាក់បិទមាត់ពុំជិតផងដែរ ដោយសារឃើញរូបរបស់ខ្លួនស្អាតខ្លាំង ខុសពីរូបចាស់ឆ្ងាយណាស់។